Çovğunla əlaqədar bu yolda nəqliyyat vasitələrinin hərəkəti məhdudlaşdırılıb

Çovğunla əlaqədar beynəlxalq əhəmiyyətli Mtsxeta-Stefantsminda-Larsi yolunun Qudauri (Post)-Kobi hissəsində qoşqu və yarımqoşqulu avtonəqliyyat vasitələrinin hərəkəti qadağan edilib. Digər avtonəqliyyat vasitələrinin hərəkəti isə sərbəstdir.

Gürcüstanın Regional İnkişaf və İnfrastruktur Nazirliyinin Yol Departamenti məlumat yayıb. 

“Milli Ətraf Mühit Agentliyinin məlumatına görə, Qudauri (post)-Kobi hissəsində nəqliyyatın hərəkəti dayanmadan, yalnız uçqundan mühafizə tunelləri vasitəsilə həyata keçiriləcək.

Hərəkət qeyd olunan rejimdə patrul polisinin bilavasitə nəzarəti və koordinasiyası ilə davam edəcək”, - məlumatda qeyd olunur.