2023-cü ilin noyabr ayında verilən kreditlərin həcmi artıb - STATİSTİK

2023-cü ilin noyabr ayında kommersiya bankları tərəfindən verilən kreditlərin həcmi əvvəlki ayla müqayisədə 1,07 milyard lari və ya 2,14% artaraq noyabrın sonunda 51,19 milyard lari təşkil edib.

InterPress.ge xəbər verir ki, bu barədə Gürcüstan Milli Bankı məlumat verib.

Milli Bankın məlumatına görə, həmin dövrdə milli valyutada verilən kreditlərin həcmi 422,98 milyon lari və ya 1,54%, xarici valyutada verilən kreditlərin həcmi isə 649,22 milyon lari və ya 2,87% artıb. 2023-cü ilin noyabr ayının sonuna kommersiya bankları rezident hüquqi şəxslərə milli valyutada 8,29 milyard lari kredit verib ki, bu da əvvəlki ayla müqayisədə 0,94%artıqdır. Xarici valyutada kredit isə 14,51 milyard lari təşkil edir ki, bu da əvvəlki ayın göstəricisindən 3,37% çoxdur.

Həmçinin, Mərkəzi Bankın hesabatına əsasən, 2023-cü ilin noyabr ayı ərzində rezident ev təsərrüfatları sektorunun kreditləşməsinin həcmi 1,84%, yəni 481,85 milyon lari artıb, noyabrın sonuna isə 26,60 milyard lari təşkil edib.

2023-cü ilin noyabr ayının sonuna ümumi kreditlərin nisbəti 54,50 faiz təşkil edib. Əvvəlki ayın sonu ilə müqayisədə 0,32 faiz bəndi azalıb.