Marneulinin Qasımlı kəndində Novruz bayramı münasibətilə tədbir keçirilib- FOTO

Qasımlı kəndində Novruz bayramı münasibətilə kənd sakinlərinin də qatıldığı bayram şənliyi keçirilib.

InterPress.ge xəbər verir ki, bayram şənliyi Qasımlı Gənclər Mərkəzinin təşkilatçılığı ilə baş tutub.

Sərgidə qədim adət-ənənələrimiz və Novruz rəmzləri olan səməni, müxtəlif şirniyyat nümunələri ilə bəzədilmiş bayram xonçaları və milli mətbəximizin ləziz təamları göz oxşayıb. Bayramın əsas personajları olan Kosa və Keçəlin çıxışı şənliyə xüsusi zövq qatıb. Mərkəzin üzvlərinin baharı, ölkəmizi tərənnüm edən mahnıları və rəqsləri bayram şənliyinin iştirakçılarında xoş ovqat yaradıb.