Gürcüstanın baş naziri bu gün Marneuliyə gəlir

Gürcüstanın Baş naziri Giorgi Qaxaria bu gün Marneuli və Qardabani rayonlarına səfər edəcək.

InterPress.ge xəbər verir ki, o, hakim Gürcü Arzusu Partiyasının Marneuli-Qardabani dairəsi üzrə majoritar deputatlığa namizədi Zaur Darğallının rəsmi təqdimetmə mərasimində iştirak edəcək.

“Gürcü Arzusu”nun baş katibi Kaxa Kaladze, parlament sədri Arçil Talakvadze və partiyanın digər rəsmi nümayəndələri də tədbirlərə qatılacaqlar.

Qeyd edək ki, Gürcüstanda parlament seçkiləri oktyabrın 31-də keçiriləcək. Z.Darğallı ötən ilin mayından Marneulinin meridir. O, seçki kampaniyası başlayan kimi – sentyabr ayında vəzifəsini tərk edəcək. /report/