Darğallı: "Mən hər birinizin qarşısında məsuliyyət daşıyıram və çalışacağam ki, parlamentdə hər birinizin səsi olum"

"Mən hər birinizin qarşısında məsuliyyət daşıyıram və çalışacağam ki, parlamentdə hər birinizin səsi olum".

InterPress.ge xəbər verir ki, bu sözləri hakim “Gürcü Arzusu” Partiyasının Marneuli-Qardabani seçki dairəsi üzrə majoritar namizədi, Zaur Darğallı təqdimat mərasimində səsləndirib.

"Salamlayıram sizi əziz Marneulilər. Salamlayıram sizi əziz dostlar, xanımlar və cənablar! Bütün Qardabanı buradan salamlayıram. Sevinirəm ki, Gürcüstanı bu dərəcədə sevən insanların qarşısında dayanıram. Mən fəxr edirəm ki, bir neçə dilin, dinin, mədəniyyətin, xalqın birləşdiyi yerdə doğulub böyüyüb yaşayıram. Mən burada doğulmuşam, böyümüşəm, valideynlərim, övladlarım burada doğulublar və böyüyüblər. Bələdiyyəmin inkişafı mənim üçün xüsusilə önəmlidir. Mən hər birinizin qarşısında məsuliyyət daşıyıram və çalışacağam ki, parlamentdə hər birinizin səsi olum. Gürcü arzusunun addım-addım yaratdığı bütün yaxşılıqların hər bir ailəyədək gedib çatması üçün hər şey edəcəyik. Mən partiya lideri Bicina İvanişviliyə, partiyanın vahid komandasına minnətdarlığımı bildirirəm. 1 il öncə mer vəzifəsinə seçkilərdə səs yığmağa imkan verdilər. İndi isə mənə parlamentdə sizin səsiniz olacağım üçün imkan verilir. Mer vəzifəsində olduğum 1 il müddətində sizin dəstəyinizi, etimadınızı, inamınızı hiss edirdim. Biz bir-birimizi gücləndiririk. Bir birimizə dəstək olaraq biz bir çox çətinlikləri aşdıq. Bir çox innovativ layihələr planlaşdırdıq bə həyata keçirdik. Bütün bunları nəzərə alaraq Marneuliyə və Qardabaniyə xidmət göstərməyə hazıram. Gürcü arzusu 2012-ci ildən Marneulidə və Qardabanidə proqresin yavaşlamaması üçün hər şey edir. Bölgəmiz üçün çox önəmli layihələr planlaşdırmışıq. Biz tarix boyu yolu olmayan kəndlərə yol çəkdik, heç vaxt suyu olmayan kəndlərə su çəkdik. Tək bu il bələdiyyədə 8 məktəb inşa edilir. Biz Gürcüstan miqyası ilə líder bölgəyik. Qardabanidə 10-larla uşaq bağçası inşaa edildi. Lakin qarşımızda başqa problemlərimiz də var ki, onları da bərabər aşacağıq. Dostlar, biz bərabər hər şeyi bacaracağıq. Biz Marneulidə, Qardabanidə və bütün Gürcüstanda qalib gələcəyik. Vətənimizin uğurları üçün birgə!", - deyə Zaur Darğallı təqdimat mərasimində qeyd edib.