Marneulidə bədbəxt hadisə - bir nəfər həyatını itirdi - FOTO

Marneuli rayonunun bazar ərazisi yaxınlıqında bədbəxt hadisə baş verib.

InterPress.ge xəbər verir ki, 60 yaşlarında olan kişi durduğu yerdə özünü pis hiss edərək həyatını itirib.

Şahidlərin xəbər portalımıza verdiyi məlumata görə, kişi özünü pis hiss edib və təcili tibbi yardıma zəng edilib. Hadisə yerinə təcili tibbi yardım gələnə kimi, sözü gedən şəxs həyatını itirib. Onun ölümünə səbəb ürək tutması olduğu güman edilir.

Ölən şəxsin Marneuli rayonunun Alqeti kənd sakini olduğu bildirilir.

Hadisə yerinə məhkəmə ekspertizası, polis və Təcil tibbi yardım cəlb olunub.

Faktla bağlı araşdırma aparılır.