Gürcüstanda koronavirusa yoluxanların sayı artdı

Gürcüstanda yeni növ koronavirusa (COVID-19) son 24 saat ərzində 7 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 1462 nəfərə çatıb.

Sağalanların sayına gəldikdə isə, sağalanların sayı ilə bağlı yenilənmə yoxdur və hal-hazırda sağalanlar 1196 nəfər təşkil edir.

Eyni zamanda qeyd olunub ki, koronavirus səbəbi ilə 5806 nəfər karantində saxlanılır.

Qeyd edək ki, koronavirus səbəbi 19 nəfər vəfat edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.