Marneulinin Qırxılı kəndində seid Mirsaleh Fətullayevin evində İmam Huseyin (ə) adına ehsan verilib - FOTO

Marneulinin Qırxılı kəndində seid Mirsaleh Fətullayevin evində İmam Huseyin (ə) adına ehsan verilib.

InterPress.ge xəbər verir ki, ehsan süfrəsində onlarla insan iştirak edib.

Məclis əsnasında mərsiyələr deyilib, dualar edilib.

Qeyd edək ki, bu gün hicri təqvimi ilə Aşuradır. Aşura günü hicri təqvimi ilə 61-ci ildən etibarən yaddaşlara tarixi ədalətsizlik və hüzn günü kimi daxil olub. Aşura hadisəsində Əməvi xəlifəsi Yezidin göstərişi ilə Həzrət Peyğəmbərin (s) əziz nəvəsi İmam Hüseyn (ə), o cümlədən Rəsulullahın (s) səhabələri, Əhli-Beyt və tərəfdarları Kərbəla çölündə şəhid edilib, ailələri əsir alınıb.