Parlament birinci oxunuşda “Cəza məcəlləsi”nə dəyişikliyi dəstəkləyib

Parlament birinci oxunuşda 75 səslə “Cəza məcəlləsi”nə dəyişikliyi dəstəkləyib.

InterPress.ge xəbər verir ki,bu barədə Gürcüstan parlamenti məlumat yayıb.

Onların məlumatına görə,Qanun layihəsinin təşəbbüskarlarından biri Tengiz Şarmanaşvilinin sözlərinə görə, qanun layihəsi Cinayət Məcəlləsinə Gürcüstanın konstitusiya quruluşuna və təhlükəsizlik əsaslarına qarşı cinayətlər törətməkdə təqsirləndirilənlərin/məhkumların hüququnun məhdudlaşdırılmasını nəzərdə tutan norma əlavə edir.

“Qanun layihəsinə görə, müvafiq hüquqlar yalnız Cinayət Məcəlləsinin XXXVII (Gürcüstanın konstitusiya quruluşuna və təhlükəsizlik əsaslarına qarşı cinayət) və XXXVIII (Terrorizm) fəsli ilə müəyyən edilmiş cinayətlərdə təqsirləndirilən və ya məhkum edilmiş şəxslərlə məhdudlaşdırıla bilər.

Dəyişikliyə əsasən, penitensiar müəssisənin direktoru öz təşəbbüsü ilə Gürcüstanın Dövlət Təhlükəsizliyi Xidmətinin verdiyi məlumatlara və ya Cinayət Məcəlləsinə uyğun olaraq əməliyyat-axtarış tədbirlərinin həyata keçirilməsi nəticəsində həmin şəxslərə aidiyyəti üzrə əldə edilmiş məlumatlara əsasən, adıçəkilən şəxslərin müvafiq hüquq/hüquqlarının məhdudlaşdırılması barədə qərar qəbul edir. Müvafiq hüquq/hüquqlar 3 aya qədər müddətə məhdudlaşdırıla bilər. Göstərilən müddət bitdikdən sonra hüququn/hüquqların məhdudlaşdırılması ləğv edilir.

Qanun layihəsində hüququn/hüquqların məhdudlaşdırma müddətinin uzadılması imkanları da nəzərdə tutulub”, - deyə yayılan məlumatda bildirilir.