Almaniyada oğurluğa cəhd edən gürcü saxlanılıb

Almaniyanın Essen şəhərində 45 yaşlı gürcü yaşayış mənzilinə oğurluq üçün girməyə çalışarkən mənzil sahibi tərəfindən görülüb və oğurluğa cəhdə görə həbs edilib.

InterPress.ge xəbər verir ki, bu barədə Almaniya polisi məlumat yayıb.

Ev sahibi tərəfindən görülən şəxs hadisə yerindən qaçıb və bir neçə dəqiqəlik təqibdən sonra polis onu həbs edib. Həbs zamanı saxlanılan şəxsin üzərində saxta sənədlər olduğu üzə çıxıb.

Bundan başqa, onun üzərində aparılan axtarış zamanı quldurluq üçün zəruri olan alətlər də çıxarılıb.

Saxlanılan şəxs barəsində həbs-qətimkan tədbiri seçilib.