Yaşayış evinin divarının uçması nəticəsində iki nəfər həyatını itirib

Adiqeni bələdiyyəsinin Ude kəndində yaşayış evinin divarının uçması nəticəsində iki nəfər həyatını itirib, bir nəfər isə yaralanıb. Yerli əhalinin dediyinə görə, ölənlər Axaltsixedəndir.

InterPress.ge xəbər verir ki, bu barədə "Samxretis karibçe" məlumat yayıb.

Mərhumlar bir-birinin yaxınıdırlar. Hadisə yerinə gələn təcili tibbi yardım briqadası onların hər ikisini ölü tapıb. Meyitlər ekspertiza üçün göndərilib. 

Daxili İşlər Nazirliyindən verilən məlumata görə, hadisə ilə bağlı Cinayət Məcəlləsinin 240-cı maddəsinə əsasən, mədən, tikinti və ya digər işlərin görülməsi zamanı təhlükəsizlik qaydalarını pozma maddəsi ilə araşdırma başlanılıb.