Sinoptiklər gözlənilən hava şəraiti ilə bağlı əhaliyə xəbərdarlıq edir

Milli Ətraf Mühit Agentliyi gözlənilən hava şəraiti ilə bağlı əhaliyə xəbərdarlıq edir.

InterPress.ge xəbər verir ki, agentlik bununla bağlı məlumat yayıb.

Sinoptiklərin məlumatına görə, sentyabrın 12-si günün sonundan 13-ü günün sonunadək Gürcüstanda fasilələrlə yağış yağacağı, bəzi yerlərdə intensiv olacağı, şimşək çaxacağı, dolu düşəcəyi, şimşək çaxması zamanı küləyin qəfil güclənəcəyi ehtimalı var.

“Gözlənilən güclü yağıntılar Gürcüstanın kiçik çaylarında suyun səviyyəsinin əhəmiyyətli dərəcədə artmasına, dağlıq və yüksək dağlıq ərazilərdə isə sürüşmələrə səbəb ola bilər (təhlükə səviyyəsi ortadır)”, - Milli Ətraf Mühit Agentliyinin məlumatında deyilir.