Baş nazir: Baxmayaraq ki, ərazimizin 20 faizi qeyri-qanuni işğal altındadır, biz irəliləməyə və böyüməyə davam edirik

Ərazimizin 20%-i qeyri-qanuni işğal olunsa da, biz irəliləməkdə, böyüməkdə və uşaqlarımızın daha yaxşı, daha güclü və daha ləyaqətli Gürcüstanda yaşaması üçün çalışmaqda davam edirik.

InterPress.ge xəbər verir ki, bunu Gürcüstanın baş naziri İrakli Kobaxidze BMT Baş Assambleyasının 79-cu sessiyasında çıxışı zamanı deyib.

Hökumət başçısının sözlərinə görə, hökumət Gürcüstanın bütün vətəndaşlarının öz ölkəsi ilə fəxr etmələri üçün ardıcıl və yorulmadan çalışır.

“Mən bu fürsətdən istifadə edib işğal xəttinin o tayında, Abxaziya və Sxinvali bölgələrindəki xalqımıza müraciət etmək istərdim. Bütün addımlarımız xalqımıza kömək məqsədi daşıyır və bir gün biz də övladlarımızla birlikdə xoşbəxt, birləşmiş və inkişaf etmiş Gürcüstanda yaşaya bilərik. İşğal xəttinin bu tərəfində biz sizi həmişə qucaq açıb qarşılayacağıq. Biz ölkəmizdəki bütün sınmış körpüləri bərpa etməliyik”, - deyə baş nazir bildirib.