Tbilisi Şəhər Məhkəməsində Mixail Saakaşvilinin məhkəməsi davam edir

Tbilisi Şəhər Məhkəməsində Gürcüstanın dövlət sərhədini qanunsuz keçməkdə təqsirləndirilən sabiq prezident Mixail Saakaşvilinin cinayət işi üzrə məhkəmə prosesi davam edir.

InterPress.ge xəbər verir ki, bugünkü məhkəmə prosesində tərəflər giriş sözü ilə çıxış edəcəklər. Eyni zamanda, sabiq prezidentin həbs qətimkan tədbirinə də yenidən baxılacaq.

Mixail Saakaşvili Vivamed klinikasından uzaqdan, vizual görüntü olmadan sessiyaya qoşulur.

Məlumat üçün bildirək ki, Mixail Saakaşvilinin sərhədi qanunsuz keçməsi ilə bağlı istintaq 2021-ci il oktyabrın 1-də başlayıb. Sözügedən iş çərçivəsində daha 4 nəfərə - Elquca Tsomaya, Zurab və Şalva Tsotsori və Giorgi Narimanidzeyə qarşı ittiham irəli sürülüb.