Gürcüstanda qeydiyyatda olan elektromobillərin sayı artıb

Gürcüstanda 6662 elektromobil qeydiyyatdadır ki, bu da ötən illə müqayisədə 1610 ədəd çoxdur.

InterPress.ge xəbər verir ki, bu barədə Milli Statistika Xidmətinin məlumatında deyilir.

Bundan başqa, “Sakstat”ın məlumatına görə, ölkədə 146 790 hibrid, 1 557 isə qazla işləyən avtomobil qeydiyyata alınıb.

Bundan başqa, benzin-qaz sistemi ilə işləyən 168 205, benzinlə işləyən 712 697, dizel sistemi ilə işləyən 341 719, digərlərlərində isə 351 451 avtomobil var.

Məlumat üçün bildirək ki, ölkə üzrə ümumilikdə 1 milyon 729 min 81 nəqliyyat vasitəsi qeydiyyatdadır ki, bu da ötən illə müqayisədə 48 min 645 ədəd çoxdur.