Rustavelidə keçirilən aksiyada mitinq iştirakçıları dağıdılır

Rustaveli prospektinin Parlament binasının yerləşdiyi hissəsi mitinq iştirakçılarından praktiki olaraq təmizlənib.

InterPress.ge xəbər verir ki, xüsusi təyinatlılar Çiçinadze və Çitadze küçələrini də tamamilə təmizləyiblər.

Mitinq iştirakçıları Aleksandrovi bağına doğru hərəkət ediblər və onların bir hissəsi metronun Rustaveli stansiyası istiqamətində gedib.

Parlamentin qarşısındakı ərazi xüsusi təyinatlılar tərəfindən tamamilə tutulub.

Polis qüvvələri etirazçılara qarşı gözyaşardıcı qazdan istifadə edib.

Xüsusi təyinatlılar bir müddət əvvəl Azadlıq meydanından Rustaveli prospekti istiqamətində hərəkətə keçib.