Gürcüstanın Baş naziri Azərbaycan Prezidentini təbrik edib

Dekabrın 24-də Gürcüstanın baş naziri İrakli Kobaxidze ilə Azərbaycan Respublikasının Prezidenti İlham Əliyev arasında telefon danışığı olub.

InterPress.ge xəbər verir ki, bu barədə APA məlumat yayıb.

İrakli Kobaxidze prezident İlham Əliyevi ad günü münasibətilə təbrik edib, ona cansağlığı və prezidentlik fəaliyyətində uğurlar arzulayıb. Prezident İlham Əliyev göstərilən diqqətə və təbrikə görə minnətdarlığını bildirib.

Söhbət zamanı hər iki tərəf Azərbaycan ilə Gürcüstan arasında dostluq münasibətlərinin müxtəlif sahələrdə uğurla inkişaf edəcəyinə əminliklərini ifadə ediblər. Həmçinin ikitərəfli əməkdaşlığın perspektivləri və yeni ildən gələcək təmaslar ətrafında fikir mübadiləsi aparılıb.