Gürcüstanda 2024-cü ildə süd istehsalı azalıb

2024-cü ildə ölkədə süd istehsalı azalıb, ət və yumurta istehsalı isə artıb.

InterPress.ge xəbər verir ki, bu barədə Gürcüstanın Milli Statistika Xidməti (Sakstat) məlumat yayıb.

Statistikaya əsasən, əgər 2023-cü ildə Gürcüstanda 584.3 milyon litr süd istehsal olunmuşdusa, 2024-cü ildə bu göstərici 570.7 milyon litrədək azalıb.

Eyni zamanda, ət istehsalı ötən illə müqayisədə 78.7 min tondan 83.7 min tona yüksəlib.

Yumurta istehsalı isə 2024-cü ildə 653.4 milyon ədədə çatıb ki, bu da 2023-cü illə müqayisədə 0.04% çoxdur. 2023-cü ildə bu göstərici 653.2 milyon ədəd təşkil edirdi.