Gürcüstandan pul köçürmələri azalıb - ən çox vəsait hara göndərilib?
2025-ci ilin fevral ayında Gürcüstandan xarici ölkələrə 28.7 milyon ABŞ dolları (təxminən 80.9 milyon lari) məbləğində pul köçürülüb.
InterPress.ge xəbər verir ki, bu göstərici ötən ilin fevralı ilə müqayisədə 2% azdır – 2024-cü ilin fevralında xaricə 29.3 milyon dollar göndərilmişdi.
Bunun müqabilində, 2025-ci ilin oktyabrında isə Gürcüstandan xaricə 35.685 milyon dollar göndərilib ki, bu da 2023-cü ilin oktyabrı ilə müqayisədə 12% artım deməkdir (o zaman 31.833 milyon dollar köçürülmüşdü).
Ən çox vəsait köçürülən ölkələr dəyişməz olaraq qalır – liderliyini Türkiyə qoruyub saxlayır. İlk onluqda həmçinin Rusiya, Ukrayna, Azərbaycan, Yunanıstan, Qazaxıstan, Özbəkistan və digər ölkələr yer alır.
2025-ci ilin fevralında Gürcüstandan ən çox pul köçürülən 10 ölkə:
1. Türkiyə – 5.642 milyon ABŞ dolları
2. Azərbaycan – 4.070 milyon dollar
3. Rusiya – 3.242 milyon dollar
4. Ukrayna – 1.976 milyon dollar
5. Yunanıstan – 1.594 milyon dollar
6. Özbəkistan – 1.374 milyon dollar
7. Qazaxıstan – 1.167 milyon dollar
8. İtaliya – 1.031 milyon dollar
9. ABŞ – 1.025 milyon dollar
10. Polşa – 882.3 min dollar
Bununla yanaşı, Gürcüstana daxil olan pul köçürmələri də azalma göstərib. 2025-ci ilin fevralında ölkəyə daxil olan pul köçürmələrinin həcmi 252.28 milyon ABŞ dolları (təxminən 711.1 milyon lari) təşkil edib ki, bu da ötən ilin fevralı ilə müqayisədə 5.3% və ya 14.1 milyon dollar azdır.
Gürcüstan Milli Bankının məlumatına əsasən, 2024-cü ilin fevralında ölkəyə 266.38 milyon dollar köçürülmüşdü.
