Parlament ali təhsil müəssisələrində gürcü dilinin icbari tədrisi haqqında qanun layihəsini birinci oxunuşda qəbul edib
Parlament “Ali təhsil haqqında” qanun layihəsinə birinci oxunuşda baxıb və 79 səslə yekdilliklə dəstəkləyib.
InterPress.ge xəbər verir ki, bu məsələni plenar iclasın müzakirəsinə Təhsil, Elm və Gənclərlə İş üzrə Komitənin sədri Qivi Mikanadze təqdim edib.
“Ali təhsil haqqında” qanuna edilən dəyişiklik ali təhsil müəssisələrində gürcü dilinin məcburi tədrisini nəzərdə tutur.
Qanun layihəsinə əsasən, ali təhsil müəssisələrinin dövlət dilində aparılan bakalavriat, müəllim hazırlığı üzrə inteqrasiya olunmuş bakalavriat və magistratura proqramları, baytarlıq ixtisası üzrə inteqrasiya magistratura proqramları, tibb/stomatoloq ixtisası üzrə magistratura proqramları üzrə təhsil alan tələbələr xüsusi (iki semestr) gürcü dili kursu keçməlidirlər.
"Bu, gürcü dilinin maarifləndirilməsi və onun yüksək səviyyədə tədrisinin məqsədyönlülüyü baxımından irəliyə doğru daha bir mühüm addımdır", - Qivi Mikanadze bildirib.
Gürcü dilinin icbari tədrisi növbəti tədris ilində, 2025-ci ilin sentyabrında başlayacaq.
