“Batumelebi”nin təsisçisinin və bir aktivistin tərəfdarları parlament qarşısındakı aksiyaya qoşulublar

“Batumelebi” nəşrinin təsisçisi Mzia Amaghlobeli və vətəndaş fəalı Nino Dataşvilinin tərəfdarları Tbilisidə, parlament binası qarşısında keçirilən etiraz aksiyasına qoşulublar.

Aksiya iştirakçıları əvvəlcə Filarmoniya binası önündən yürüşə başlayaraq Rustaveli prospektinə gəliblər, daha sonra isə azadlıq meydanına doğru istiqamətləniblər.

Hazırda etirazçılar Rustaveli prospektində avtomobil yolunu bağlayıblar və nəqliyyatın hərəkəti məhduddur.

Qeyd edək ki, 240 gündən artıqdır ki, vətəndaşlar hər gün Rustaveli prospektində toplaşaraq yeni parlament seçkilərinin keçirilməsi və etirazlar zamanı saxlanılan şəxslərin azadlığa buraxılması tələbi ilə aksiyalar keçirirlər.