Güclü yağış gözlənilir - Hava proqnozu

12 avqust gecəsindən günün ikinci yarısınadək Şərqi Gürcüstanın əksər rayonlarında qısamüddətli, bəzi yerlərdə isə güclü yağış yağacağı proqnozlaşdırılır.

InterPress.ge xəbər verir ki, bu barədə Gürcüstan Milli Ətraf Mühit Agentliyi məlumat verib. 

Məlumata əsasən, bölgədə həmçinin ildırım, dolu və küləyin güclənməsi ehtimalı var.

“Gözlənilən yağıntılar Şərqi Gürcüstanın kiçik çaylarında daşqınlara, dağətəyi və dağlıq ərazilərdə isə sürüşmə və sel proseslərinin yaranmasına və aktivləşməsinə səbəb ola bilər. Təhlükə səviyyəsi orta dərəcədə qiymətləndirilir”, – qurumun açıqlamasında bildirilib.