Etirazçılar Melikişvilidən Rustaveli prospektinə doğru gedirlər

Melikişvili prospektində Kaxa Kaladzenin seçki qərargahı yaxınlığında toplaşan etirazçılar Rustaveli prospektinə doğru irəliləyiblər.

InterPress.ge xəbər verir ki, etirazçılar qərargah yaxınlığında “ruslar!”, “oliqarxiyaya atəş!”, həmçinin “inqilab, inqilab!” şüarları səsləndiriblər.

Aksiya iştirakçıları Tbilisi meri və “Gürcü arzusu”nun merliyə namizədi Kaxa Kaladzenin seçki pankartına “Coca-Cola” töküblər. Onlar həmçinin "Rus arzusu" yazıblar.

Onlar yürüşdən əvvəl Gürcüstanın dövlət himnini oxuyublar.

Yürüş iştirakçılarını polis müşayiət edir. Hüquq-mühafizə orqanları hərəkətin bərpası üçün etirazçıları yolun hərəkət hissəsindən kənara çıxmağa çağırır.