ABŞ İranın limanları və sahil zolaqları üzərindəki blokadanı dayandırdı
ABŞ İranın limanları və sahil zolaqları üzərində tətbiq etdiyi dəniz blokadasını dayandırıb.
InterPress.ge xəbər verir ki, bu barədə ABŞ-ın Mərkəzi Komandanlığı (CENTCOM) sosial şəbəkədə yaydığı bəyanatda məlumat verib.
Bəyanatda bildirilir ki, ABŞ qüvvələri prezidentin göstərişinə uyğun olaraq İran limanlarına daxil olan və limanlardan çıxan bütün dəniz nəqliyyatı üzərindəki blokadanı ləğv edib.
“Bu gündən etibarən ABŞ qüvvələri İran limanlarına və limanlarından həyata keçirilən gəmi tranzitinə mane olmur. ABŞ hərbi qüvvələrinin dəniz blokadasının tətbiqi ilə bağlı bütün fəaliyyətləri dayandırılıb”, – deyə məlumatda qeyd olunur.
Bununla yanaşı vurğulanır ki, ABŞ Hərbi Dəniz Qüvvələrinin bölmələri bölgədə qalmağa davam edəcək və əldə olunmuş razılaşmanın bütün müddəalarının tam və effektiv şəkildə yerinə yetirilməsinə nəzarət edəcəklər.
Qeyd edək ki, bu addım ABŞ ilə İran arasında əldə olunduğu bildirilən yeni anlaşma çərçivəsində atılan ilk praktiki addımlardan biri kimi qiymətləndirilir.
