Makron: “Pekinlə danışıqlarda Çin tərəfini tariflərlə hədələmişəm”

Fransa prezidenti Emmanuel Makron bildirib ki, Çinə rəsmi səfəri zamanı Pekin rəhbərliyinə tariflərin tətbiqi ilə bağlı xəbərdarlıq edib.

InterPress.ge xəbər verir ki, o, bunu Les Echos qəzetinə verdiyi müsahibədə deyib.

Nəşrin məlumatına görə, Makron Çinə tarifləri yalnız o halda tətbiq edəcəyini bildirib ki, Pekin Avropa İttifaqı ilə mövcud ticarət kəsirini azaltmaq üçün zəruri addımlar atmasın.

Müsahibədə qeyd olunur ki, Makron Çin rəsmiləri ilə görüşündə qeyri-dayanıqlı qlobal ticarət disbalansının, həmçinin geosiyasətin və ekologiyanın yaratdığı problemlərin həlli üçün əməkdaşlığın gücləndirilməsinə çağırıb.

“Onlara dedim ki, əgər reaksiya verməsələr, biz – avropalılar – ABŞ-ın addımını nümunə götürərək yaxın aylarda sərt tədbirlər görməyə məcbur olacağıq və bu tədbirlərə Çin məhsullarına tariflərin tətbiqi də daxildir”, – Makron Les Echos müsahibəsində bildirib.

Makron eyni zamanda Çinə qarşı daha yumşaq yanaşmanın tərəfdarı olduğunu da vurğulayıb. O, Avropadan yarımkeçirici avadanlıqların ixracına və Çindən nadir mineralların ixracına qoyulan məhdudiyyətlərin aradan qaldırılmasını dəstəklədiyini deyib. Makron Çin şirkətlərini Avropaya daha çox investisiya yatırmağa və “Avropa üçün dəyər və imkanlar yaratmağa” çağırıb.

Reuters xatırladır ki, Avropa İttifaqının Çinlə ticarət kəsiri 2019-cu ildən bəri təxminən 60% artıb.