Mağazaya oğurluq məqsədi ilə silahlı basqın edən şəxs saxlanıldı

Hüquq-mühafizə orqanları Zuqdididə yerləşən supermarketlərdən birində baş vermiş quldurluq hadisəsi ilə bağlı bir nəfəri saxlayıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin açıqlamasına görə, saxlanılan şəxs mağaza əməkdaşından silah hədəsi ilə pul tələb edib, lakin məqsədinə nail ola bilməyərək hadisə yerindən qaçıb.

Bildirilib ki, Samtsxe–Sameqrelo–Zemo Svaneti Polis Departamentinin əməkdaşları quldurluq ittihamı ilə 2001-ci il təvəllüdlü B.Q.-nu saxlayıblar. İstintaqla müəyyən edilib ki, cari ilin 5 yanvar tarixində Zuqdidi şəhərində supermarketlərin birində çalışan işçidən silah hədəsi ilə pul tələb edilib, lakin şübhəli şəxs niyyətini sona çatdıra bilməyib və hadisə yerindən uzaqlaşıb.

Keçirilən operativ-axtarış və istintaq tədbirləri nəticəsində polis B.Q.-nu qısa müddət ərzində təqsirləndirilən şəxs qismində saxlayıb. Hadisə zamanı istifadə edildiyi ehtimal olunan silah maddi sübut kimi götürülüb.

Faktla bağlı istintaq Gürcüstan Cinayət Məcəlləsinin 179-cu maddəsi ilə aparılır. Həmin maddə yeddi ilədək azadlıqdan məhrumetmə cəzasını nəzərdə tutur.