Marneulidə gecə saatlarında ağır yol-nəqliyyat hadisəsi baş verib - Yaralı var (FOTO)

Marneuli şəhərində gecə saatlarında yol-nəqliyyat hadisəsi qeydə alınıb.

InterPress.ge xəbər verir ki, hadisə 26 May küçəsində baş verib.

İlkin məlumata görə, Ford Fusion markalı avtomobil ilə Mini Cooper markalı avtomobil toqquşub.

Qəza nəticəsində Mini Cooper-in sürücüsü müxtəlif bədən xəsarətləri alıb. Yaralı dərhal xəstəxanaya çatdırılıb. Tibbi mənbələrdən verilən məlumata əsasən, sürücünün vəziyyəti qənaətbəxş qiymətləndirilir və həyati təhlükəsi yoxdur.

Faktla bağlı aidiyyəti qurumlar tərəfindən araşdırma aparılır.