Gürcüstanda soyuq və yağıntılı hava şəraiti nə vaxta kimi davam edəcək?

18 yanvar tarixinədək ölkə ərazisində soyuq və fasilələrlə yağıntılı hava qorunacaq.

InterPress.ge xəbər verir ki, bu barədə Gürcüstanın Ətraf Mühit üzrə Milli Agentliyi məlumat verib. 

Agentliyin açıqlamasına əsasən, Tbilisidə 15–16 yanvar tarixlərində hava əsasən soyuq və yağıntısız olacaq, 17 yanvarda isə qar yağacağı gözlənilir. Paytaxtda gecə saatlarında havanın temperaturu -3, -5 dərəcə, gündüz isə +2, +4 dərəcə təşkil edəcək.

Dənizkənarı rayonlarda yağıntılı hava şəraiti proqnozlaşdırılır. Gecə temperaturu +1, +3 dərəcə, gündüz isə +5, +7 dərəcə civarında olacaq. Qərbi Gürcüstanın düzənlik ərazilərində yağıntı əsasən qar şəklində düşəcək, gecə temperaturu -1, -3, gündüz isə +4, +6 dərəcə gözlənilir.

Qərbi Gürcüstanın dağlıq rayonlarında fasilələrlə qar yağacaq. Gecə temperaturu -5, -10, gündüz isə -1, -3 dərəcə təşkil edəcək. Yüksək dağlıq ərazilərdə isə qar yağışı davam edəcək, gecə -13, -15, gündüz isə -5, -7 dərəcə qeydə alınacaq.

Kartli bölgəsində bəzi yerlərdə qar yağacağı proqnozlaşdırılır. Gecə temperaturu -6, -8, gündüz isə +1, +3 dərəcə olacaq. Kaxetidə də ayrı-ayrı ərazilərdə qar gözlənilir, gecə -5, -7, gündüz +2, +4 dərəcə təşkil edəcək.

Şərqi Gürcüstanın dağlıq rayonlarında bəzi yerlərdə qar yağacaq, gecə -12, -14, gündüz isə -2, -4 dərəcə müşahidə olunacaq. Yüksək dağlıq zonalarda isə qar və çovğun ehtimal olunur; gecə temperaturu -18, -20, gündüz isə -6, -8 dərəcə səviyyəsində olacaq.

Qurumun məlumatında bildirilir ki, hava şəraiti ilə əlaqədar bəzi bölgələrdə yolların buz bağlaması və hərəkətin çətinləşməsi riski mövcuddur.