Yeniyetmələr arasında başlayan mübahisə bıçaqlanma ilə nəticələndi

Rustavi şəhərində azyaşlıya qarşı bıçaqlanma faktı qeydə alınıb.

InterPress.ge xəbər verir ki, hadisə azyaşlılar arasında baş verən mübahisə zəminində yaşanıb. Mübahisə zamanı 16 yaşlı yeniyetməyə soyuq silahla – bilək nahiyəsindən kəsici xəsarət yetirilib. Hadisə dünən baş verib.

Məlumata əsasən, ehtimal olunan təqsirli şəxs də azyaşlıdır və hazırda saxlanılmayıb.

Gürcüstan Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 117-ci maddəsi üzrə istintaqa başlanılıb. Həmin maddə sağlamlığa qəsdən ağır zərər vurmanı nəzərdə tutur və 3 ildən 6 ilədək azadlıqdan məhrumetmə ilə cəzalandırılır.

İstintaq davam etdirilir.