Marneulidə yaşayış evində yanğın baş verdi - FOTO

Marneuli bələdiyyəsinin Qızılhaclı kəndində yaşayış evində yanğın baş verib.

InterPress.ge xəbər verir ki, hadisə yerinə polis əməkdaşları, təcili tibbi yardım və yanğınsöndürmə briqadaları cəlb olunub.

Məlumata görə, yanğın qısa müddətdə lokallaşdırılıb və alovun ətrafa yayılmasının qarşısı alınıb. İlkin məlumatlara əsasən, yanğın nəticəsində evə ciddi ziyan dəyməyib.

Hadisənin başvermə səbəbləri araşdırılır.