Tbilisi Dövlət Universiteti qarşısında etiraz aksiyası keçirilir, tələbələr Texniki Universitetə doğru yürüşə başlayıblar
Tbilisi Dövlət Universitetinin (TDU) birinci korpusu qarşısında etiraz aksiyası keçirilir.
InterPress.ge xəbər verir ki, aksiyada TDU və Gürcüstan Texniki Universitetinin (GTU) tələbələri, eləcə də vətəndaş fəalları iştirak edir.
Etirazçılar təhsil naziri Givi Mikanadzenin Tbilisi Dövlət Universiteti ilə Gürcüstan Texniki Universitetinin birləşdirilməsi ilə bağlı açıqlamasına etiraz edirlər. Tələbələr bildirirlər ki, elan olunan təhsil islahatı təhsil sisteminə zərər vurur.
Aksiya iştirakçılarının sözlərinə görə, hakimiyyətin əsas məqsədi kadrların ixtisarı və hökumətə tənqidi yanaşan müəllimlərin vəzifələrindən uzaqlaşdırılmasıdır. Etirazçılar hakimiyyəti tələbə və müəllimlərin iradəsini nəzərə almağa çağırır və TDU ilə GTU-nun birləşdirilməsi barədə qərarın geri götürülməsini tələb edirlər.
TDU-nun birinci korpusu qarşısında toplaşan tələbələr universitetin rektoru Jaba Samuşia ilə görüş tələb ediblər. Onların fikrincə, rektor universiteti dövlət müdaxiləsindən qorumağa borcludur. Aksiya iştirakçıları bildiriblər ki, Jaba Samuşia tələbələrlə görüşməyənədək etiraz davam edəcək.
Eyni zamanda, Tbilisi Dövlət Universitetinin birinci korpusu qarşısında toplaşan tələbələr yürüşə başlayaraq Gürcüstan Texniki Universitetinin beşinci korpusu istiqamətində hərəkət ediblər. Tələbələrin sözlərinə görə, onlar GTU qarşısında keçirilən aksiyaya qoşularaq elan olunan təhsil islahatına qarşı etirazı birlikdə davam etdirəcəklər.
Qeyd edək ki, etiraz aksiyaları təhsil naziri Givi Mikanadzenin Tbilisi Dövlət Universiteti və Gürcüstan Texniki Universitetinin birləşdirilməsi ilə bağlı bəyanatına qarşı keçirilir və tələbələr tələbləri yerinə yetirilənədək etirazın davam edəcəyini Tbilisi Dövlət Universiteti qarşısında etiraz aksiyası keçirilir, tələbələr Texniki Universitetə doğru yürüşə başlayıblar.
