Həyat yoldaşını bıçaqlayan şəxs saxlanıldı
Gürcüstan Daxili İşlər Nazirliyinin Tbilisi Polis Departamentinin Köhnə Tbilisi Baş İdarəsinin əməkdaşları ailə üzvünə qarşı qəsdən yüngül xəsarət yetirmə ittihamı ilə Türkiyə Respublikasının vətəndaşı, 1975-ci il təvəllüdlü A.G.-ni saxlayıblar.
InterPress.ge xəbər verir ki, bu barədə məlumatı Daxili İşlər Nazirliyi yayıb.
Nazirliyin məlumatına görə, istintaqla müəyyən edilib ki, təqsirləndirilən şəxs mübahisə zəminində soyuq silahdan istifadə edərək həyat yoldaşı — 1986-cı il təvəllüdlü K.N.-yə bədən xəsarəti yetirib.
Xəsarət alan K.N. müvafiq tibbi yardım göstərilməsi üçün klinikaya yerləşdirilib. Keçirilmiş operativ-axtarış və istintaq tədbirləri nəticəsində A.G. təqsirləndirilən şəxs qismində saxlanılıb. Polis tərəfindən maddi sübut kimi cinayətin törədilməsində istifadə olunan bıçaq götürülüb.
Faktla bağlı istintaq Gürcüstan Cinayət Məcəlləsinin 11 prima 120-ci maddəsinin birinci hissəsi ilə aparılır. Sözügedən maddə 3 ilədək azadlıqdan məhrumetmə cəzasını nəzərdə tutur.
