Parlament qarşısında etiraz aksiyası keçirilir

Rustaveli prospektində etiraz aksiyası yenidən başlayıb.

InterPress.ge xəbər verir ki, Gürcüstan Parlamenti qarşısına toplaşan vətəndaşlara “Təhsili qoru” şüarı ilə yürüş edən aksiya iştirakçıları da qoşulublar.

Məlumata görə, yürüş iştirakçıları əvvəlcə Filarmoniya qarşısında toplaşıb, daha sonra parlament istiqamətində yürüş ediblər. Aksiya iştirakçıları avtomobil yolunun bir hissəsini tutublar.

Qanunverici orqanın qarşısında Gürcüstan və Amerika Birləşmiş Ştatlarının bayraqları açılıb. Etirazçılar bildiriblər ki, bununla ABŞ-ın Gürcüstanın dost ölkəsi olduğunu nümayiş etdirmək istəyirlər.

Qeyd olunur ki, parlament qarşısında fasiləsiz etiraz aksiyası artıq 437-ci gündür davam edir.