Ölkəyə 5 milyon avro dəyərində lüks avtomobillərin qanunsuz idxal cəhdi aşkarlanıb

Gömrük nəzarəti çərçivəsində Batumi Gömrük Rəsmiləşdirmə İqtisadi Zonasında gömrük əməkdaşları tərəfindən təxminən 5 milyon avro dəyərində olan 59 ədəd lüks avtomobilin qanunsuz şəkildə ölkəyə gətirilməsi cəhdləri aşkarlanıb.

InterPress.ge xəbər verir ki, bu barədə Gürcüstan Maliyyə Nazirliyinin Gəlirlər Xidməti məlumat verib.

Qurumun bildirdiyinə görə, səlahiyyətli şəxsin şübhəsi əsasında aparılan məlumat yoxlaması zamanı istehsalçı tərəfindən verilmiş identifikasiya kodunun — VIN kodunun dəyişdirildiyi müəyyən edilib.

Məlumatda qeyd olunur ki, faktla bağlı materiallar əlavə reaksiya üçün Gürcüstan Daxili İşlər Nazirliyinin müvafiq qurumuna göndərilib.