Milli Ekologiya Agentliyi güclü qarla bağlı xəbərdarlıq edib

Fevralın 11-də Şərqi Gürcüstanda yağıntı gözlənilir. Yağıntı əsasən qar şəklində olacaq, bəzi ərazilərdə isə intensivliyi güclü olacaq.

InterPress.ge xəbər verir ki, bu barədə Gürcüstanın Milli Ekologiya Agentliyi məlumat verib. 

Qurumun açıqlamasında bildirilir ki, sinoptik şəraitlə əlaqədar olaraq duman, çovğun, avtomobil yollarında buzlaşma, yüksək dağlıq ərazilərdə isə qar uçqunu təhlükəsi də gözlənilir.

Məlumata əsasən, güclü qar, görmə məsafəsinin azalması, çovğun, yolların buz bağlaması və uçqun riski səbəbindən avtomobil yollarının bəzi hissələrində nəqliyyatın hərəkətinə müvəqqəti məhdudiyyətlər tətbiq oluna bilər. Eyni zamanda, gözlənilən intensiv yağıntılar təpəlik və dağlıq zonalarda sürüşmə proseslərinin yaranmasına və aktivləşməsinə səbəb ola bilər. Təhlükə səviyyəsi orta olaraq qiymətləndirilir.