Nika Qvaramia 8 aylıq həbsdən sonra azadlığa buraxılıb

“Dəyişikliklər üçün Koalisiya”nın lideri, Nika Qvaramia həbsdən azad edilib.

InterPress.ge xəbər verir ki, müxalif siyasətçi 8 aylıq cəza müddətini başa vurduqdan sonra bu gün, 12 fevral tarixində Rustavi şəhərində yerləşən 12 saylı penitensiar müəssisəni tərk edib.

Xatırladaq ki, Nika Qvaramiaya 2025-ci il 1 iyul tarixində Parlamentin müvəqqəti istintaq komissiyasının iclasına gəlmədiyinə görə 8 ay müddətinə azadlıqdan məhrumetmə cəzası verilmişdi. Ona qarşı Cinayət Məcəlləsinin 349-cu maddəsi ilə ittiham irəli sürülmüşdü ki, bu da “Gürcüstan Parlamentinin müvəqqəti istintaq komissiyasının tələbini yerinə yetirməmək” anlamına gəlir.

Qvaramia barəsində 30 000 lari məbləğində girov qətimkan tədbiri seçilmişdi, lakin o, qanunla müəyyən olunmuş müddətdə girovu ödəmədiyi üçün tədbir həbs ilə əvəz edilmişdi. O, məhkəmə prosesində iştirak etməmiş və Rustavi həbsxanasına özü müraciət etmişdi.