Velistsixe layihəsi üzrə müqavilə ləğv olunur, yeni tender elan ediləcək
Munisipal İnkişaf Fondu Velistsixe kəndinin mərkəzi hissəsinin reabilitasiyası layihəsini icra edən podratçı şirkətlərlə müqavilənin ləğvi və yeni tenderin elan olunması barədə qərar qəbul edib.
Fondun icraçı direktoru Beka Uruşadze bildirib ki, podratçı ilə bağlı bütün imkanlar tükənib və işlərin davam etdirilməsi üçün göstərilən səylər nəticəsiz qalıb.
“Faktiki olaraq, podratçı ilə bütün resurslarımızı tükətdik ki, işlərin davam etdirilməsinə şərait yaradaq. Nəticədə müqavilənin ləğvi barədə qərar qəbul etdik. Layihə Asiya İnkişaf Bankının (ADB) dəstəyi ilə həyata keçirildiyi üçün proses onlarla razılaşdırılaraq aparılır. Müqavilənin ləğvi müəyyən vaxt tələb edir. Biz çalışacağıq ki, bu proses mümkün qədər qısa müddətdə başa çatsın və bundan sonra işlərin tamamlanması məqsədilə yeni tender elan edilsin”, – deyə Uruşadze qeyd edib.
Velistsixe kəndinin mərkəzi hissəsinin reabilitasiyası layihəsini həyata keçirən podratçı şirkətlər – “İnsi” MMC və “Java” MMC-nin birgə müəssisəsi ilə müqavilənin ləğvinə səbəb kimi, bir sıra xəbərdarlıqlara baxmayaraq, şirkətlərin üzərinə götürdükləri öhdəlikləri yerinə yetirməməsi göstərilir.
