Baş verən qəza nəticəsində 3 nəfər həyatını itirdi

Qurcaani bələdiyyəsində baş verən yol-nəqliyyat hadisəsi nəticəsində üç nəfər, o cümlədən bir azyaşlı həyatını itirib.

InterPress.ge xəbər verir ki, faciə gecə saatlarında Melani kəndində baş verib.

Yerli sakinlərin sözlərinə görə, içərisində beş nəfərin olduğu minik avtomobili toqquşmadan sonra aşıb və yanmağa başlayıb. Alovlanan avtomobildən iki nəfər çıxmağı bacarıb, üç nəfər isə avtomobildən çıxa bilməyərək həlak olub.

Hadisə yerinə təcili tibbi yardım, xilasetmə xidməti və polis əməkdaşları cəlb olunub. Faktla bağlı araşdırma aparılır.