Qrup halında oğurluqda şübhəli bilinən 2 nəfər saxlanılıb

Şida Kartli Polis Departamentinin Xaşuri Rayon İdarəsinin əməkdaşları qrup halında törədilmiş oğurluq ittihamı ilə 2005-ci il təvəllüdlü M.T. və 1997-ci il təvəllüdlü S.B.-ni saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb. 

İstintaqla müəyyən edilib ki, təqsirləndirilən şəxslər Surami qəsəbəsində yerləşən yaşayış evinə qanunsuz daxil olaraq oradan təxminən 10 000 lari dəyərində elektrik avadanlığını oğurlayıb və hadisə yerindən uzaqlaşıblar.

Kompleks əməliyyat-axtarış tədbirləri və istintaq hərəkətləri nəticəsində hüquq-mühafizə orqanları hər iki şəxsi təqsirləndirilən qismində saxlayıb. Polis oğurlanmış avadanlığı maddi sübut kimi götürüb.

Faktla bağlı istintaq Gürcüstan Cinayət Məcəlləsinin 177-ci maddəsinin ikinci və üçüncü hissələri ilə aparılır. Sözügedən maddə 7 ilədək azadlıqdan məhrumetmə cəzasını nəzərdə tutur.