Tea House şahmat klubunun yetirməsi Kvemo Kartli çempionatında gümüş medal qazandı

12–13 mart 2026-cı il tarixlərində Rustavi şəhərində Kvemo Kartli Şahmat Federasiyasının təşkilatçılığı ilə keçirilən “Kvemo Kartli Şahmat Çempionatı”nda “Tea House” şahmat klubunun idmançıları da iştirak ediblər.

InterPress.ge-nin məlumatına əsasən, turnirdə komandanın ən yüksək nəticəsini 12 yaşlıların qrupunda mübarizə aparan Timur Kələyev göstərib. O, 7 turdan ibarət yarışda 5,5 xal toplayaraq II yeri tutub və gümüş medalın sahibi olub.

Bu nəticə ilə Timur Kələyev Gürcüstan Şahmat Çempionatında iştirak etmək hüququ qazanıb.

Qeyd edək ki, “Tea House” komandası çempionata məşqçi Qasım Əliyevin rəhbərliyi altında qatılıb.