Varlam Liparteliani: Gənclərlə daha çox dialoq ölkənin inkişafı üçün vacibdir

“Gürcü Arzusu”nun gənclər təşkilatının sədri Varlam Liparteliani regional konfransların məqsədləri barədə danışıb.

InterPress.ge xəbər verir ki, onun sözlərinə görə, konfranslar çərçivəsində idarə heyətinin üzvləri ilə birlikdə gənclərlə görüşlər keçiriləcək və müxtəlif məsələlər müzakirə olunacaq.

Liparteliani bildirib ki, hakim komandanın əsas siyasətlərindən biri gənclərlə daha çox ünsiyyət qurmaqdır, çünki onların proseslərdə iştirakı olmadan ölkənin inkişafı mümkün deyil.

“Biz istənilən insanın ehtiyaclarını dinləməyə hazırıq. Tənqidi fikirlər də daxil olmaqla, hər bir söz və fikir bizim üçün önəmlidir. Hamımız bilirik ki, gənclərin ölkədə və dünyada baş verən proseslərdə iştirakı olmadan inkişaf mümkün deyil. Buna görə də onların fikirlərinin dinlənilməsi və nəzərə alınması bizim üçün çox vacibdir”, – deyə o bildirib.

Qeyd edək ki, təşkilat regional konfranslara Batumi şəhərindən start verib.