Gürcüstanda yanacaq yenidən bahalaşdı – bəzi məntəqələrdə qiymət 4 lariyə çatdı

Gürcüstanda son 3 gün ərzində yanacağın qiyməti yenidən artıb.

InterPress.ge xəbər verir ki, 31 mart tarixindən etibarən yanacağın qiymətində artım 6–20 tetri təşkil edir. Bununla yanaşı, bəzi brend yanacaqdoldurma məntəqələrində benzin və dizelin qiyməti artıq 4 lariyə çatıb.

Qeyd edək ki, fevralın 28-dən etibarən Yaxın Şərqdə baş verən hadisələr səbəbindən Hörmüz boğazı vasitəsilə daşımalar çətinləşib. Halbuki dünya neft tədarükünün təxminən beşdə biri məhz bu marşrutla həyata keçirilirdi.

ABŞ, İsrail və İran arasında müharibənin başlanmasından sonra isə boğazda hərəkət demək olar ki, dayanıb. Bu da qlobal neft qiymətlərinə ciddi təsir göstərib.

Məlumata görə, beynəlxalq bazarlardakı artım tendensiyası Gürcüstanda martın 9-dan hiss olunmağa başlayıb və bu tarixdən etibarən yanacaq qiymətləri mərhələli şəkildə ümumilikdə 27–84 tetri aralığında artıb.

Hazırda müxtəlif yanacaqdoldurma şəbəkələrində qiymətlər aşağıdakı kimidir (7 mart 2026 ilə müqayisədə):

Gulf

G-Force Super – 3.99 lari (artım 46 tetri)

G-Force Premium – 3.59 lari (artım 52 tetri)

G-Force Euro Regular – 3.45 lari (artım 48 tetri)

Euro Regular – 3.43 lari (artım 51 tetri)

G-Force Euro Diesel – 3.97 lari (artım 84 tetri)

Euro Diesel – 3.87 lari (artım 52 tetri)

Wissol

Eco Super – 3.92 lari (artım 38 tetri)

Eco Premium – 3.52 lari (artım 40 tetri)

Eco Diesel – 3.82 lari (artım 59 tetri)

Euro Diesel – 3.77 lari (artım 59 tetri)

Euro Regular – 3.37 lari (artım 40 tetri)

Socar

Nano Super – 3.82 lari (artım 27 tetri)

Nano Premium – 3.50 lari (artım 39 tetri)

Nano Euro Regular – 3.34 lari (artım 39 tetri)

Euro 5 Diesel – 3.65 lari (artım 66 tetri)

Nano Euro 5 Diesel – 3.75 lari (artım 76 tetri)

Rompetrol

Efix Super – 3.92 lari (artım 33 tetri)

Efix Euro Premium – 3.53 lari (artım 38 tetri)

Euro Regular – 3.39 lari (artım 35 tetri)

Efix Euro Diesel – 3.85 lari (artım 70 tetri)

Euro Diesel – 3.80 lari (artım 70 tetri)

Portal

Super – 3.37 lari (artım 38 tetri)

Premium – 3.19 lari (artım 25 tetri)

Euro Regular – 2.99 lari (artım 25 tetri)

Euro Diesel – 3.79 lari (artım 80 tetri)

Effektiv Diesel – 3.59 lari (artım 75 tetri)

Beləliklə, yanacaq qiymətlərində artım davam edir və bazarda qiymətlərin yaxın dövrdə də dəyişkən qalacağı istisna edilmir.