Marneulidə insident: Merin qardaşının saxlanıldığı iddia olunur

InterPress.ge-nin əldə etdiyi məlumata görə, hazırda Marneulidə bir sıra meriya əməkdaşları və Marneuli meri Daur İsmayılov mərkəzi polis binasının yaxınlığında toplaşıb.

Qeyri-rəsmi məlumata əsasən, merin qardaşı Kənan İsmayılov artıq saxlanılıb. Bildirilir ki, o hazırda polis şöbəsindədir.

Eyni zamanda, döyüldüyü iddia olunan vətəndaşın da polis şöbəsində olduğu qeyd olunur.

Hadisə ilə bağlı rəsmi açıqlama hələlik verilməyib.

Xatırladaq ki, daha əvvəl ictimai fəal Samirə Bayramova sosial şəbəkədə paylaşım edərək Marneulidə bir vətəndaşın merin qardaşı və onun ətrafı tərəfindən döyüldüyünü iddia etmişdi.