Kredit dəyişiklikləri yalnız bakalavr tələbələrinə şamil ediləcək

Təhsil proqramlarında kreditlərin sayının dəyişdirilməsi yalnız 2025-ci il 1 sentyabrdan qəbul olunan bakalavr tələbələrinə tətbiq olunacaq.

InterPress.ge xəbər verir ki, bu təşəbbüslə Təhsil və Elm Nazirliyi parlamentə müraciət edib.

Məlumata görə, ötən ilin dekabrında “Ali təhsil haqqında” qanuna edilən dəyişikliklərə əsasən kredit sistemində yeniliklər nəzərdə tutulurdu və bu dəyişikliklərin bakalavr, magistr və doktorantura pillələrində oxuyan bütün tələbələrə şamil edilməsi planlaşdırılırdı.

Lakin nazirlik bildirir ki, bu qaydanın magistratura səviyyəsində tətbiqi ali təhsil müəssisələri üçün ciddi çətinliklər yaradır. Belə ki, tələbələr artıq mövcud akkreditə olunmuş proqramlar üzrə təhsil alırlar və ilk semestrdən etibarən tədqiqat komponentlərini əhatə edən kurikulum üzrə 30 kredit artıq mənimsənilib.

Bundan əlavə, yaz semestri mövcud proqramlara uyğun şəkildə planlaşdırılıb və davam edir ki, bu da kredit sisteminin dəyişdirilməsini praktik baxımdan çətinləşdirir.

Nazirliyin açıqlamasına görə, doktorantura səviyyəsində isə kreditlərin sayı ümumiyyətlə dəyişməyib və proqramın müddəti əvvəlki kimi minimum 3 il olaraq qalır. Buna görə də bu dəyişikliklərin doktorantlara şamil edilməsi hüquqi və məntiqi baxımdan əsaslı hesab edilmir.