Qanunsuz silah saxlanması faktı üzrə 4 nəfər saxlanılıb

Gürcüstanda qanunsuz odlu silah və döyüş sursatı əldə etmə, saxlama və gəzdirmə faktları üzrə 4 nəfər saxlanılıb.

InterPress.ge xəbər verir ki, bu barədə Daxili İşlər Nazirliyi məlumat yayıb.

Məlumata görə, əməliyyatlar patrul polisi, Tbilisi polisi, Acariya polisi və Quriya polisi departamentlərinin əməkdaşları tərəfindən həyata keçirilib. Hüquq-mühafizə orqanları saxlanılan şəxslərin üzərində, yaşayış yerlərində və emalatxanada aparılan axtarış zamanı müxtəlif növ odlu silahlar və döyüş sursatları aşkar edərək maddi sübut kimi götürüblər.

Faktla bağlı araşdırma Cinayət Məcəlləsinin 236-cı maddəsi ilə aparılır ki, bu da 7 ilədək azadlıqdan məhrumetmə cəzasını nəzərdə tutur.