Gürcüstanda yayda temperatur 40 dərəcəyə çata bilər – Milli Ətraf Mühit Agentliyi proqnozu açıqlayıb

Gürcüstanda 2026-cı ilin yay mövsümündə orta temperaturun normadan bir qədər yüksək, yağıntının isə norma daxilində və ya normadan az olacağı gözlənilir.

InterPress.ge xəbər verir ki, bu barədə Milli Ətraf Mühit Agentliyinin İqlim İdarəsinin şöbə müdiri Xatuna Kokosadze yay mövsümü ilə bağlı proqnozu açıqlayarkən bildirib.

Onun sözlərinə görə, ayrı-ayrı dövrlərdə havanın temperaturu düzənlik və aran ərazilərdə 39–40 dərəcəyədək, dağlıq ərazilərdə 37–40 dərəcəyədək, yüksək dağlıq zonalarda isə 33–37 dərəcəyədək yüksələ bilər.

Kokosadze qeyd edib ki, yay mövsümündə quraqlıq, istilik dalğaları, eləcə də güclü yağıntılar kimi mövsümə xas hava hadisələrinin baş verməsi də istisna olunmur.