Gənc güllələnib – hadisədə polis əməkdaşının adı hallanır

Gurcaani bələdiyyəsinin Vecini kəndində gənc bir kişi odlu silahla açılan atəş nəticəsində yaralanıb.

InterPress.ge xəbər verir ki, mövcud məlumata əsasən, atəşi polis əməkdaşı açıb.

Məlumata görə, insident əvvəlcə polis əməkdaşının atası ilə kənd sakinləri arasında baş verən mübahisədən sonra yaranıb. Daha sonra hadisəyə polis əməkdaşı müdaxilə edib və silahdan atəş açılıb.

Faktla bağlı araşdırmanı Gürcüstan Prokurorluğu aparır.

İstintaq Gürcüstan Cinayət Məcəlləsinin 120-ci maddəsinin 1-ci hissəsi ilə başlayıb. Həmin maddə qəsdən sağlamlığa yüngül xəsarət yetirməni nəzərdə tutur.

InterPress.ge-nin əldə etdiyi məlumata görə, hazırkı mərhələdə hadisə ilə bağlı heç kim saxlanılmayıb.