Tbilisidə yükqaldırıcı kran bələdiyyə avtobusuna çırpılıb – iki sərnişin xəsarət alıb

Tbilisidə yükqaldırıcı kran bələdiyyə avtobusu ilə toqquşub.

InterPress.ge xəbər verir ki, hadisə ötən gün baş verib. Mövcud məlumata görə, qəza nəticəsində avtobusda olan sərnişinlər təxliyə edilib.

Hadisə zamanı iki sərnişin yüngül xəsarət alıb.

Gürcüstan Daxili İşlər Nazirliyinin məlumatına görə, faktla bağlı Cinayət Məcəlləsinin 276-cı maddəsi ilə istintaq başlanılıb. Sözügedən maddə nəqliyyat vasitələrinin hərəkət təhlükəsizliyi və ya istismarı qaydalarının pozulmasını nəzərdə tutur.