Gürcüstan miqyasında elektriyin dayanması ilə bağlı rəsmi açıqlama verildi

Gürcüstan Dövlət Elektrik Sisteminin məlumatına görə, bu gün saat 08:00 radələrində ölkə üzrə elektrik enerjisinin verilişi qısa müddətə qəza səbəbindən dayandırılıb.

InterPress.ge xəbər verir ki, hazırda bərpa işləri davam etdirilir.

Məlumata əsasən, qəzadan qısa müddət sonra – 08:05-dən etibarən Tbilisi və regionların böyük hissəsində elektrik enerjisinin verilişi mərhələli şəkildə bərpa olunub.

Bildirilib ki, ölkə üzrə elektrik enerjisinin tam bərpası prosesi ən qısa zamanda başa çatdırılacaq.

Qurum qeyd edib ki, paralel olaraq qəzanın dəqiq səbəblərinin müəyyənləşdirilməsi istiqamətində işlər aparılır və bununla bağlı ictimaiyyətə əlavə məlumat veriləcək.