İnterpolun qırmızı bülleteni ilə axtarışda olan iki xarici ölkə vətəndaşı saxlanılıb

Gürcüstan Daxili İşlər Nazirliyinin Mərkəzi Kriminal Polis Departamentinin Acariya Baş İdarəsinin əməkdaşları İnterpolun qırmızı bülleteni ilə beynəlxalq axtarışda olan iki xarici ölkə vətəndaşını saxlayıblar.

InterPress.ge xəbər verir ki, Daxili İşlər Nazirliyinin yaydığı məlumata görə, saxlanılan şəxslər Türkiyə Respublikasının hüquq-mühafizə orqanlarının tələbi əsasında beynəlxalq axtarışa verilmişdilər.

Bildirilib ki, hüquq-mühafizə orqanlarının əməkdaşları həyata keçirdikləri istintaq tədbirləri nəticəsində axtarışda olan şəxsləri müxtəlif vaxtlarda Batumidə saxlayıblar.

Hazırda saxlanılan şəxslərlə bağlı qanunvericilikdə nəzərdə tutulmuş ekstradisiya prosedurları davam etdirilir.